Hvað er vandamálið?

Herra 400 er afskaplega kátur með nýjasta video-ið frá köppunum knáu í Rammstein. Það byrjar eins og hvert annað drasl video sem tröllríður upp um alla veggi á MTV og fleiri subbustöðvum sem hafa það verkefni helst að heilaþvo ungviðið með stöðluðum ímyndum og sölumennsku fyrir stórfyrirtæki. Þessi "tónlistar"myndbönd sem þar eru sýnd gefa ýmislegt í skyn en ekkert gerist þar sem íturvaxnar ýmist leður- eða latexklæddar dömur spranga um settið á háum hælum.

Rammstein fer aftur á móti alla leið, byrjar reyndar eins og hvert annað gubbufrasatónlistarvideo og varla að maður nennti að horfa á enn eitt video-ið sem hugsanlega fær mann til að flagga í hálfa, varla það, nenni maður að láta hugann reika á froðupoppsbylgjulengdinni. En það er einmitt snilldin við þetta nýja myndband. Þarna er bókstaflega allt í gangi þegar líður á og ekkert dregið undan. Einstaklega vel heppnað og fallegt tónlistarmyndband, lagið er svona la la en textinn snilldin ein eins og kempunum austurþýsku einum er lagið.

"You got a pussy, I got a dick, so what´s the problem?"  

Eg segi því bara... hvað er fjandans vandamálið ?

 

Rammstein fer alla leið